

D2999

@##། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །ཀླུ་ཆེན་པོ་རྣམས་ཀྱི་སྤྲིན་དྲལ་དུ་བའི་ཆོ་ག་བསྒྲུབ་པར་འདོད་པས་བདག་ཉིད་རྡོ་རྗེ་རྣམ་པར་འཇོམས་པ་དམར་པོར་བསྒྱུར་ལ་སྙིང་པོ་བསྡུས་པའི་སྔགས་བཟླས་ཏེ། ཡུངས་ཀར་ལ་ཀླུ་ཆེན་པོ་རྣམས་ཀྱི་ཡིད་བཞིན་གྱི་ནོར བུར་དམིགས་ཏེ།ནམ་མཁའ་ལ་གཏོར་བས་ཀླུ་རྣམས་ཀྱི་སྙིང་ག་ནས་ཕུཿཞེས་པའི་ཡི་གེ་གྲངས་མེད་པ་འཕྲོས་པས་སྤྲིན་གྱི་ཚོགས་རྣམ་པར་བཤིགས་ཏེ། ནམ་མཁའ་རང་དྭངས་སུ་སོང་བར་དམིགས་སོ། བདག་ཉིད་རྡོ་རྗེ་ཆེན་པོའི་ང་རྒྱལ་དང་ལྡན་པས་སྡིགས་མཛུབ་བསྒྲེངས་ཏེ། ཁྲོ་བོའི་ སྡང་མིག་བཟློག་ལ་སྔགས་ཟློས་ཤིང་མཛུབ་རིས་བྱ།ཁ་ནས་མེའི་འོད་ཟེར་དཔག་ཏུ་མེད་པ་འཕྲོས་པས་བར་སྣང་ཐམས་ཅད་མེ་དཔུང་གིས་ཁེངས་པར་དམིགས་སོ། །གང་བསྲུང་བའི་ཕྱོགས་སུ་ཕུར་བུ་ལ་ཁྲོ་བོ་བཅུར་དམིགས་ལ་གདབ་བོ། །སེམས་ཅན་བསྲུང་བའི་ལས་སྤྲིན་དྲལ་བའི་ ་འབྱུང་བ་གཅོད་བྱེད་ཅེས་བྱ་བ།